پاکستان جلد بدلنے والا ہے

پاکستان جلد بدلنے والا ہے، سارے علاقے ترقی کریں گے، وزیراعظم عمران خان
سیاحت کی ترقی سے کثیرزرمبادلہ کمانے کے ساتھ قرضے بھی اترجائیں گے، لوگوں کو روزگار ملےگا، سیاحت کیلئے نئے پوائنٹ کھولنے کی ضرورت ہے، خیبرپختونخوا میں5 سال کے دوران غربت میں کمی آئی ہے۔ تقریب سے خطاب

مری ( 23 اپریل2021ء) وزیراعظم عمران خان نے کہا ہے کہ پاکستان بدلنے والا ہے، سارے علاقے ترقی کریں گے، سیاحت کی ترقی سے کثیرزرمبادلہ کمانے کے ساتھ قرضے بھی اتر جائیں گے، لوگوں کو روزگار ملےگا،سیاحت کیلئے نئے پوائنٹ کھولنے کی ضرورت ہے، خیبرپختونخوا میں5 سال کے دوران غربت میں کمی آئی ہے۔ انہوں نے کوہسار یونیورسٹی کی افتتاحی تقریب سے خطاب کرتے ہوئے کہا کہ مری میں بڑے زبردست کام ہورہے ہیں ، اس علاقے میں پہلے کبھی ایسے کام نہیں ہوئے، زیادہ سے زیادہ ایک بڑا گورنرہاؤس ہوتا تھا، وہ ایک فیملی کی ملکیت تھی، سارا خرچہ وہاں ہوتا تھا، 62 کروڑ نہیں 83 کروڑ روپیہ اس کی خوبصورتی کیلئے خرچ کیا تھا۔مری میں وزیر اور بڑے بڑے لوگ مفت رہائش کرتے تھے۔اب یہاں عوام کی بہتری کیلئے کام ہورہے ہیں، کسی نے نہیں سوچا کہ یہاں ہسپتال بنائیں، نتھیا گلی میں صرف ایک چھوٹا سا ہسپتال ہے، اب 370 کینال کے اوپر ہسپتال بنارہے ہیں، عوام کی سب سے بڑی ضرورت حکومت عوام کو تعلیم دے، صحت کا خیال رکھے، ایک آدمی مزدوری کرتا ہے اس کے پاس تعلیم نہیں ہوتی لیکن اگر اس کو کوئی ہنر سکھا دیں تو وہ زیادہ پیسا کما سکتا ہے، میٹرک کے بچے کو6 ماہ کا کورس کروا دیں تو اپنے گھر والوں کیلئے پیسا کما سکتا ہے۔وہی قوم عظیم بنتی ہے جو آگے کا سوچتی ہے، جنگ بدر کے بعد جب قیدی پکڑے گئے تو پیارے رسول ﷺ نے فرمایا کہ جو قیدی دس مسلمانوں کو پڑھائے گا اس کو رہا کردیا جائے گا۔ کوہسار یونیورسٹی پاکستان مستقبل ہے، سیاحت مستقبل ہے۔ کوہسار یونیورسٹی سیاحت کے فروغ کیلئے بہت اہم ہے۔ پاکستان بدلنے والا ہے۔ سارے علاقے ترقی کریں گے۔ سوشل میڈیا کی وجہ سے ٹورازم بڑھ رہی ہے۔

Sharing is caring!

Categories

Comments are closed.