پی ڈی ایم میں شامل بڑی جماعت کے سربراہ نے کورونا کو شکست دیدی

چارسدہ (ویب ڈیسک) اپوزیشن اتحاد پاکستان ڈیموکریٹک موومنٹ (پی ڈی ایم ) کا حصہ عوامی نیشنل پارٹی کے صدر اسفند یار ولی کورونا سے صحت یاب ہوگئے۔

ایکسپریس نیوز کے مطابق گزشتہ ہفتے کورونا میں مبتلا ہونے والے عوامی نیشنل پارٹی کے صدر اسفند یار ولی نے مہلک بیماری کو شکست دی، ان کے بیٹے ایمل ولی خان نے اپنے والد کی صحت کے حوالے سے میڈیا کو بتایا کہ ایک ہفتے بعد دوبارہ کرایا گیا کورونا ٹیسٹ منفی آیا ہے۔ پارٹی سربراہ اسفند یار ولی نے بیماری کے دوران نیک تمناؤں کا اظہار اور دعائیں کرنے والوں کا شکریہ ادا کیا ہے۔

واضح رہے کہ 14 مارچ کو اے این پی کے سربراہ اسفند یار ولی خان کا کورونا ٹیسٹ مثبت آیا تھا جس کے بعد انہوں نے خود کو گھر میں ہی قرنطینہ کرلیا تھا جب کہ پارٹی کی تمام تقاریب کو ملتوی کردیا گیا تھا۔

Sharing is caring!

Categories

Comments are closed.